Performanza
Quirina Lechmann & Gianin Conrad
SURSERVELA
31.12.2024
14.00 - 17.00 / mintga ura
En connex cun la damonda a Quirina Lechmann e Gianin Conrad da crear la bandiera per la vischnaunca da Mustér per las festivitads da 50 onns pro Laax e 600 onns Ligia Grischa, ha Gianin Conrad produciu ina ulteriura bandiera. Quella bandiera tematisescha il fatg ch’ei dat numerusas occurrenzas culturalas en Svizra, aschia era en Surselva, nua ch’il simbol naziunal culinaric – la servela – ei buca da s’imaginar naven. Tgei ei la valur culturala d’ina ligiongia? En tgei moda representa ella ina tenuta ed in sentiment da patria? Eis ella schizun in bein cultural ni ei quei semplamein «mo ligiongia»?
Quellas damondas vulan Conrad e Lechmann perscrutar cun ina performanza. Aschia vegn a vegnir mussada la bandiera da Conrad cul tetel Surservela ils 31.12.2024. La bandiera para sin l’emprema egliada identica a quella dalla Surselva: in funs verd, ina scartira alv.
Per festivar quei act presenta Lechmann in’aria cumponida e scretta aposta per l’occurrenza. E naturalmein astga la servela, barsada e grillada digl artist, era buca muncar.
Questa performanza e premiera mundiala a Laax per la finiziun digl onn ei in omagi alla ligiongia svizra, ed el medem mument era vesta critica sin nossa societad.
rm / de
