Idea
Il project MIU LAAX, TIU LAAX per igl onn 2025 vul buc mo furnir savida davart Laax, mobein era rinforzar la cuminanza e la capientscha. Cun integrar activamein tut las habitontas ed ils habitonts – indigens, proprietarias e proprietaris dallas secundas habitaziuns e hosps– duei Laax buc mo vegnir percepius sco liug per viver e visitar, mobein era sco ina cuminonza vivida ed engaschada, aviarta per novs inscunters ed ideas.
LABOR LAAX, sco project participativ cull’exposiziun ella CULARTA che vegn sviluppada cuntinuadamein sur igl entir onn, sebasa sin fatgs rimnai ch’ein il medem mument informativs e curios e meinsvart plitost humoristics. Igl accent principal ei il svilup dalla cuminonza tras participaziun ed interacziun denter differentas reits socialas e generaziuns.
El center dall’exposiziun stattan damondas pertuccont il svilup e las midadas a Laax. Las damondas astgan esser controversas, nunconfortablas e pretensiusas. Ellas duein animar ad ina discussiun viventa.
L’exposiziun dat buca rispostas, mo ella vul proscher scenaris che pon stimular il discuors. Las visitadras ed ils visitaders duein vegnir involvai interactivamein. La basa dalla discussiun formeschan fatgs rimnai da diversas gruppas ed anecdotas interessantas sur da Laax.
Temps
MIU LAAX, TIU LAAX entscheiva il mars 2025. L’exposiziun ed il program accumpignont vegnan a sesviluppar cuntinuadamein ...
Communitiy Bildung in Bergdestinationen TB 15_04_2024
rm / de
Tema digl onn 2025