Film

Luis Coray / Casper Nicca

«Envidar la candeila» – Luis Coray e siu art

26.02.2026
19.00

Per Luis Coray ei tut art. La veta, performanzas, pictura e musica – tut va in en l’auter, tut viva el cun ardur ed energia. «Envidar la candeila endadens» seigi impurtont, di el el film dil cineast Casper Nicca. E quell’energia, quei gust da far art ei era il fil tgietschen dil film. Il film accumpogna igl artist grischun a sias ragischs artisticas ella Toscana ed en loghens impurtonts el Grischun.

Suenter il film datti in discuors denter igl artist Luis Coray ed il cineast Casper Nicca.
Moderaziun: Yvonne Gienal, curatura dall’exposiziun actuala.

L’occurrenza ha liug per romontsch e tudestg. Ei vegn offeriu in pign apero.

Senza annunzia, entrada libra.