rm / de
Newsletter Cularta

CULARTA – atelier e gallariaAgenda
Sentupada

Sentupada d'artistas e d'artists

CanArta

22.03.2020
15 - 17 uras
Eveniments culturals han ina gronda tradiziun en nossa vallada ed ein fetg presents ella veta quotidiana. Prelecziuns, exposiziuns, concerts, teaters ed autras occurrenzas culturalas han liug dapertut ella Surselva.

Art e cultura giogan ina rolla centrala per tut las societads ed astgan buc mo vegnir reduci sin «divertiment dil temps liber». Mantener il patrimoni cultural ei perquei da gronda impurtonza: cultura mira anavos, preserva la memoria, mantegn e tgira tradiziuns. Da l’autra vart ei la cultura drizzada viers l’avegnir, dat impuls, promova confrontaziuns e discuors critics, sviluppescha visiuns e muossa models da patertgar alternativs. La cultura arva la vesta egl intern ed egl exteriur. E buc sco davos: cultura porscha divertiment e plascher da viver.

Nus vulein perquei instradar ina «sentupada d’artists», ina sort meisa-canorta, nua che artistas ed artists e persunas activas sil camp cultural (litteratura, musica, teater, video etc.) s’inscuntran per discuorer e brattar ideas.

Finamiras pusseivlas dalla CanArta
• plattafuorma per artistas ed artists e persunas activas sil camp cultural (litteratura, musica, teater, video etc.)
• promover la veta culturala ella regiun
• networking
• scomi d’ideas
• inspiraziun
• promover la communitad creativa
• anflar sinergias
• sviluppar novas ideas / projects communabels
• scuvrir basegns persunals
• visetas dad ateliers


Mintgin_a pren enzatgei da maglier ni/ed enzatgei da beiber e sesez cun el/ella e nus organisein il rest.

Per plascher s’annunziar cun in mail sche Ti eis dalla partida.


Infos/Contact

CULARTA
atelier e gallaria
Via Falera 2a
7031 Laax

078 635 96 65

Annunzia

info@cularta.ch
CasaMediasReservarTemps d’averturaContact