rm / de
Newsletter Cularta

CULARTA – atelier e gallariaAgenda
Exposiziun
CULARTA presenta

Luis Coray & Naomi Arpagaus

Troccas - Tarotkarten

13.04.2020 – 17.05.2020
La Cularta ha surdau ina «carte blanche» als artists indigens Naomi Arpagaus e Luis Coray. Els ein sedecidi da tematisar las troccas e van alla tscherca dalla relaziun da quellas hartas cun la mistica, il giugar ed il basegn genuin dil carstgaun da tschintschar (in terminus dallas troccas), dil sedivertir e parter communitad. Quellas hartas ein plein misteris, zuppan orachels ed arvan in mund da simbols.
La derivonza precisa dallas troccas ei malguessa. Zacu el temps medieval han las hartas da giug anflau la via digl orient sur Venezia e Florenza tochen tier nus. Quella derivonza documenteschan principalmein las hartas cun las spadas uiarschas.
Hartas vegneva ei dau leu nua ch’ins haveva peda: Els castials, ellas cuorts e tier la schuldada. Schizun las damas noblas appreziavan quei niev passatemps. Dar hartas ei adina puspei vegniu scumandau ell’Europa ed era en nossa vallada.
Il giug da troccas, sco nus enconuschein el oz, vegn daus pli u meins mo en Surselva ni leu nua che Sursilvanas e Sursilvans han exportau el (Domat, Cuera, Turitg). Enconuschents ei il giug era el Giura, Valeis ed a Friburg.


Il program definitiv suonda el decuors dallas proximas jamnas.


Infos/Contact

CULARTA
atelier e gallaria
Via Falera 2a
7031 Laax

078 635 96 65

Annunzia

info@cularta.ch
CasaMediasReservarTemps d’averturaContact