Presentaziun cudisch e referat
Presentaziun dil cudisch: Hans Moser 1922-2012
Referat Regula Schmid: Nebelspalter
12.02.2023
17 h, aula Laax
Per honorar sia lavur da muntada naziunala ha la Fundaziun Pro Laax, en collaboraziun cun la casa editura Hier und Jetzt, ediu in cudisch pulpiu da bunamein 400 paginas. Quel sefatschenta dils fastigs da Hans Moser, ed en special da sia lavur ch’el ha fatg el decuors da sia veta per il Schweizer Spiegel, il Nebelspalter e per numersuas autras revistas e gasettas.
Sco introducziun tegn l’autura Regula Schmid in referat «Nebelspalter – Humor und Satire als Schweizer Kulturgut?».
Pon sgnoccas ed humor propi vegnir attribui al bein cultural svizzer? La revista satirica Nebelspalter, per la quala Hans Moser ha dissegnau sur decennis, dat sin quella damonda sias atgnas rispostas. Regula Schmid, sutsutbiadia dad in dils fundaturs, ha persequitau la historia dil Nebelspalter naven dils emprems onns ed ha aschia scuvretg biaras caricaturas interessantas e surprendentas.
Ils dissegnaders dil Nebelspalter han commentau cun lur fleters la veta en Svizra, la veta sil mund ed era ils carstgauns ed han aschia reflectau tuttas fassettas dil temps. En vesta alla retrospectiva da bunamein 150 onns resulta ina sort d’instrucziun historica - denton autra che quei ch’ei scret els cudeschs da scola.
Silsuenter apero.
Engraziel per communicar Vossa preschientscha ad info@cularta.
Annunzia: info@cularta.ch
Liug: 17 h, aula, casa da scola Laax
Flyer Buch Hans MoserFlyer CULARTA_Hans Moser
rm / de
