Invitaziun

Shutdown en il Grischun GR – Open Call

Invitaziun ad in project artistic

12.03.2020 – 26.05.2020

Artistas ed artists, interpresas e persunas activas sin il champ cultural e dal sectur creativ èn tutgads grevamain da la crisa da Corona.

Nus lantschain perquai in project artistic e dumandain per Tia collavuraziun:

• Creescha in palpiri da format A5 (palpiri gross/chartun – sche pussaivel).
• Dissegn, pictura, scrit, squitsch, cut-out, collascha, intervenziun minimala u gronda lavur – i n’exista betg ina limita da Tia libertad creativa.
• Davos sin il palpiri scriver Tes num, la data e dar ina suttascripziun.
• Trametta Tia carta ad in auter artist/autra artista grischuna. Lezs cuntinua cun l’ovra.
La carta po vegnir tramessa enavant uschè bleras giadas sco giavischà. Cura ch’in dissegn è terminà – quai decida mintgin a moda autonoma – pos Ti trametter enavos la carta ad ina Yvonne (adressa guarda sut).
• Ti pos er lavurar sulet vi dad ina carta e la trametter enavos. Gist sco Ti vuls.
• Durada da l’acziun: almain fin ch’il shutdown è en vigur en il Grischun.
• Uschè prest ch’igl è pussaivel da realisar exposiziuns e vernissaschas vegnin nus a trametter in mail e supplitgar da trametter enavos tut las cartas ch’èn anc sin via.
• Exposiziun: Tuttas ovras vegnan mussadas en in’exposiziun. L’instituziun, il lieu e las datas vegnan communitgadas cura che nus savain dapli.
• Tut ils fegls/las ovras pon vegnir vendidas.
• Il gudogn da la vendita vegn dabun ad artistas ed artists grischuns. Mintga participant po s’annunziar per quest sustegn.

Cun il QR-code sut u cun il link inditgà vegns Ti renvià tar adressas dad artists ed artistas grischunas (per plaschair cumplettar!):

https://docs.google.com/spreadsheets/d/1zYsj6BS7H8BE9jqnWwO48Gfob0PVDh7U29cL1k1zheo/edit#gid=0

Agiunta Tia adressa u controllescha ed agiunta la registraziun cun las infos cha mancan. Sche Ti na vuls betg prender part a quella acziun, pos Ti sa chapescha stritgar Tias infurmaziun (Tia lingia). Per finir simplamain cliccar sin in chaum vit e tut las modificaziuns èn archivadas.

Nus stain gugent a disposiziun per dumondas e commentaris.

Nus na vulain betg excluder, mabain integrar, nus na vulain reducir, mabain provocar. Nus vulain art che tschiffa la vita, nus vulain art che è la vita.

.. e tgi sa…. forsa retschaivas gea posta ils proxims dis ….

Per plaschair parter Tias experientschas, Tes process e Tes plaschair sin instagram #shutdownGR.

Nus engraziain per Tia contribuziun. Stai saun, mantegn la fidanza e resta inspirà!

Cordialmain
Yvonne Michel Conrad
Yvonne Gienal

Las cartas finidas pos trametter a:
Kabinett der Visionäre
Yvonne Michel Conrad
Süsswinkelgasse 9
7000 Chur
078 802 56 40

Cularta Laax
Yvonne Gienal
via Falera 2a
7031 Laax
078 635 96 65


Instagram
#shutdownGR
Ulteriuras infurmaziuns:

kabinettdervisionaere.ch
cularta.ch

Shutdown in GR
www.kabinettdervisionaere.ch
Adressliste