Sper il lag: Ina spassegiada accustica entuorn il Lag Grond, il lag da Laax.
Equipai cun igl agen telefonin ed uregliers vegnan las visitadras ed ils visitaders accumpignai e navigai d’ina vusch entuorn il lag. En tempo cumadeivel, cun entginas pausas, san ins tedlar il cirquit sonor «Sper il lag».
Igl audiowalk parta da «La sera sper il lag», l’enconuschenta poesia da Flurin Camathias. La descripziun dalla cuntrada da Camathias ei punct da partenza per la lavur d’Anselm Caminada. Ella va alla tscherca dil vargau e present. Las damondas vegnan sco che mai: Tgei ha quella poesia da far cun nus e co tuna la cuntrada entuorn il lag oz? Ils suns, ils tuns e las ramurs registradas ein il material da basa d’Anselm Caminada. Quei material accustic ei il fundament per ina assemblascha libra, che semova entuorn ils cavazzins, las atmosferas e descripziuns ch’ins anfla ella poesia.
Jona Berther: vusch Anselm Caminada: concept, text, sounddesign, musica, vusch Armin Cavelti: vusch Rees Coray: contrabass Manfred Veraguth: translaziun romontscha La sera sper il lag: Flurin Camathias Eliot ed Isabella: Ingo Siegner Heart of darkness: David Thomas
- Prendei cun Vus Vies smartphone e Vos uregliers - Mei all’entrada dalla Cularta, via Falera 2a, Laax - Smaccar play e suandar las instrucziuns dil cirquit sonor «Sper il lag»
rm / de
Viva Flurin!
