CULARTA

Purtaders

Cularta – atelier e gallaria ei in project communabel dalla vischnaunca da Laax e dalla Fundaziun Pro Laax.

CULARTA – atelier e gallaria ei in liug da lavur e sentupada per artistas ed artists ed amaturs d’art. La casa stat cunzun a disposiziun per artists professiunals ed ambiziunai per luvrar vid agens objects, per luvratoris publics e per exposiziuns. Igl art visual stat el center. Grazia a sia multifuncziunalitad porscha igl edifeci era spazi ideal per projects da scola, jamnas da cuors, occurrenzas sco referats, seminaris, teater, sault, film, litteratura e musica.
Aschia datti per la vischnaunca da Laax ina plivalur culturala. Las occurrenzas e las exposiziuns sco era ils objects (sculpturas, plasticas) entuorn il lag da Laax vulan stimular il scomi e la discussiun davart art e mussar art e cultura cun tut lur fassettas.
CULARTA organisescha atgnas activitads e metta a disposiziun las localitads per occurrenzas externas.