rm / de
Newsletter Cularta
CULARTA – atelier e gallariaAgenda
Viva Flurin!

Annatina Dermont, Remo Arpagaus, Roman Schmid

3 installaziuns

06.03.2021 – 24.05.2021
tut tenor situaziun epidemiologica
Annatina Dermont/Roman Schmid: Installaziun audiovisuala

Ord registraziuns da video e da tun che sefatschentan en ina fuorma ni l’autra cun la persuna e cun l’ovra da Flurin Camathias realiseschan l’artista
Annatina Dermont ed il videograf Roman Schmid ina installaziun.
Per las registraziuns selain ils dus vischins da Laax inspirar dallas lavurs –
dalla prosa e lirica dil giubilar. L’egliada documentara dil videograf frunta sil lungatg abstract ed experimental dalla artista. Atmosfera vegn tschaffada en tun e maletg e presentada al public en ina installaziun audiovisuala.
L’installaziun envida da «star, tedlar e mirar».
La lavur vegn «installada» ella Cularta. Il public semova, sesa ni schai, en in spazi audiovisual.



Remo Arpaguas: Installaziun Filled-space

Per reflectar experientschas da veta – scuvierer eveniments complex, aspects e visiuns – ha Remo Arpagaus realisau gia differentas installaziuns.
Tgi era Flurin Camathias? Tgei ha el fatg en sia veta? Texts ed ovras? Studi da fontaunas litteraras? Co ha el fatg notizias?
Remo Arpagaus vul reflectar da tuttas varts la persunas da Flurin Camathias e plazzar sia installaziun el plaunterren dalla Cularta.
L’installaziun dat agl artist la caschun da reflectar impressiuns cumplexas da temps e spazi, differenzas culturalas, filosofia, imaginaziun e critica.

Annatina Dermont
Remo Arpagaus

Infos/Contact

CULARTA
atelier e gallaria
Via Falera 2a
7031 Laax

078 635 96 65
ArchivCasaMediasReservarTemps d’averturaContact