Sper il lag
Ina spassegiada accustica entuorn il Lag Grond, il lag da Laax.
Equipai cun igl agen telefonin ed uregliers vegnan las visitadras ed ils visitaders accumpignai e navigai d’ina vusch entuorn il lag. En tempo cumadeivel, cun entginas pausas, san ins tedlar il cirquit sonor „Sper il lag“.
Igl audiowalk parta da „La sera sper il lag“, l’enconuschenta poesia da Flurin Camathias, che Gion Balzer Casanova ha mess en musica. La descripziun romantica da Camathias ei punct da partenza per la lavur d’Anselm Caminada. Ella va alla tscherca dil vargau e present. Las damondas vegnan automaticamein:
Tgei ha quella poesia da far cun nus e co tuna la cuntrada entuorn il lag oz? Ils suns, ils tuns e las ramurs registradas ein il material da basa d’Anselm Caminada. Quei material accustic ei il fundament per ina assemblascha libra, che semova entuorn ils cavazzins, las atmosferas e descripziuns ch’ins anfla ella poesia.
Visitadras e visitaders san cargar il cirquit sonor ed in cuort manual da diever dalla pagina prolaax.ch ni cularta.ch sigl agen telefonin. (dapli infos en cuort)
- Prendei cun Vus Vies smartphone e Vos uregliers.
- Mei all’entrada dalla Cularta, via Falera 2a.
- Smaccar play e suandar las instrucziuns dil cirquit sonor „Sper il lag“.
A partir dils 19-06-2021 anfleis Vus cheu igl audiofile.
Impressum tenor alfabet:
Jona Berther: vusch
Anselm Caminada: concept, text, sounddesign, musica, vusch
Armin Cavelti: vusch
Rees Coray: contrabass
Manfred Veraguth: translaziun romontscha
Aaron Weishaupt: vusch
La sera sper il Lag: Flurin Camathias
Eliot ed Isabella: Ingo Seigner
Heart of darknes: David Thomas
HP Anselm Caminada
rm / de
Viva Flurin!
